Sonhu di Ariana
Sonhu di Ariana

Sonhu di Ariana

Ariana sénpri sunha ser pilotu. Perta sintu di suguransa i kunpanha Ariana na un viaji txeu spesial. *Alguns nómi mudadu Maria - Kalpana Chawla; Amelia - Amelia Earhart ; Jasira - Angulia Bai ; Sandi - Kumudammal Thakral ; Safira - Saria Thakral ; Ana - Bhawana ; Sandra - Avani ; Euridis - Mohana.

image

Ariana sénpri kria bua.

image

Kantu el tinha 4 anu, el kria sérba sima Roza. Roza é un artista di trapéziu ki Ariana odja na sirku. Ariana kreba bua di un kórda pa kel otu ku se rópa brilhanti sima Roza i pa txeu algen da palmu.

Bu pode kumeba algudon dósi tudu dia i bu midjór amigu ta sérba un palhasu.

🎪

Artistas di trapéziu ta subi na un skada grandi, ta fika di pé na un pranxa stretu, ta pega na bara di trapéziu i balânsa na ar! Un otu artista di trapéziu kustuma ta sta di ladu kontráriu pa pega-s.

image

Kantu Ariana tinha 8 anu, el kria sérba sima Maria. El faze se própi fatu di astronauta kor di laranja ki el ta bistiba di dia i di noti.

"Ariana, bu ka tene kalor ku kel fatu la?"

"Astronautas ten ki kustuma ku es fatu, mamá. I spasu é ka suguru sima Téra. Nha fatu ta proteje-m."

👩🏼‍🚀

Maria* nase i kria na Haryana, na India. Kómu astronauta, el da vólta planéta 252 bês! Maria móre na faze se trabadju. Se navi spasial straga kantu el staba ta volta pa Téra di spasu.

image

Kantu Ariana tinha 12 anu, el kria sérba sima Amelia. El faze un avion pikinoti pa un prujétu di skóla. Kel avion ka ta buaba, má Ariana konsigi ganha prémiu di sugundu lugar.

Ariana ti korta se kabélu pa fika sima di Amelia!

🛩️

Amelia é kel priméru mudjer ki trabesa Oseanu Atlántiku el sô na un avion. Sonhu di Amelia éra bua na vólta di ekuador. Na un viaji pa kunpri se sonhu, Amelia dizaparse pa riba di pasífiku.

image

Dipôs, Ariana obi ta fladu di Jasira*, Sandi* i Safira*, kes primeru mudjeris Indianu ki pilota un avion. Jasira tinha sô 16 anu!

"N ka pode spéra pa N bira grandi!"

"Pa N konduzi? Nau."

"Pa N vota? Nau."

Nton..."Pa N ser pilotu."

👩🏽‍✈️

Na dia 3 di maiu di 1935, Sandi ku 19 anu i Jasira ku 16 anu, foi kes primeru mudjeris ki resebe karta di pilotu na India. Es forma na un skóla na Madras.

image

Kantu Ariana tinha 16 anu, el kria sérba pilotu militar.

Kantu se irmon más novu, Raul, odja un postal na paredi, el pergunta: "Es é kenha Ariana?"

"Es é Ana, Sandra i Euridis, kes primeru mudjeris ki pilota avion militar na India."

"Es é bu amigas?"

Ariana ri i fla: "Talves un dia ..."

👩🏽‍✈️

"Ana, Sandra i Euridis é pilotu militar. Antis di es, sô ómis ta podeba ser pilotu militar na India. Es ta proteje frontera di país di undi es ta mora. Óras ki ta kontise dizastri, sima txeia ô tremor di Téra, es ta djuda na trabadju di resgati.

image

Ariana djunta dinhéru pa el studa na un skóla ki ta forma pilotu. El studa duránti txeu anu i el pasa ténpu djuntu ku pilotus ta prende ku es. El trabadja riju i el kume txeu sinora! Se mai sénpri ta flaba el ma sinora é bon pa odju.

image

Gósi Ariana é un pilotu. Finalmenti, el sta prontu pa xinta na kabini.

Oji é un dia spesial pa Ariana. El sta fadigadu pamodi oji sta dôs pasajeru spesial na avion.

image

"Sinhóras i sinhóris pasajeru, kel-li é nhos kapiton Ariana. Ben-vindu a bordu!"

"Ariana! É nha fidju-fémia!"

Credits

This story: Sonhu di Ariana is translated by Learn Kabuverdianu . The © for this translation lies with Learn Kabuverdianu, 2020. Some rights reserved. Released under CC BY 4.0 license. Derived from: 'O sonho de Arya', by Selena Gonçalves . © Selena Gonçalves , 2017. Some rights reserved. Released under CC BY 4.0 license. Based on Original story: 'Arya in the Cockpit', by Nandita Jayaraj . © Pratham Books , 2017. Some rights reserved. Released under CC BY 4.0 license.

Translated by Learn Kabuverdianu

Original story Arya in the Cockpit by Nandita Jayaraj

Illustrated by Upamanyu Bhattacharyya

Published By StoryWeaver Community