Kuzê ki Sta Déntu Panéla?
Kuzê ki Sta Déntu Panéla?

Kuzê ki Sta Déntu Panéla?

image

Samuel odja se mai ta poi un panéla grandi riba fogon i el pergunta: “Kuzê ki bu sta kuzinha?”

Se mai fla-l: “É un surpréza!”

image

Se mai poi txeu agu na panéla. Samuel fika preokupadu i el pergunta se mai: bu sta ta kuzinha agu pa djanta?

Se mai fla-l: “Bu ten ki spéra pa bu odja, é un surpréza.”

image

Samuel pergunta se mai: "N pode djuda-u?"

image

Se mai fla-l: "Inda bu sta pikinoti i panéla sta kenti. Má bu pode traze-m tudu kuza ki N meste poi déntu di panéla."

image

Se mai fla-l: “Bu pode traze-m sabóla, favor?”

Samuel panha un sabóla i el fla: “Sabóla ka ta txera mutu sábi.”

image

Se mai fla-l: “Sabóla ta bira kel kumida sábi!”

image

Se mai fla-l: “Gósi N meste tumati.” Samuel traze se mai un masan.

Se mai fla-l: “Nau, kel-li é masan, ka tumati. Tumati tanbê ten kor burmedju má é sta déntu jilera.”

image

Se mai fla: “Bu pode traze-m batata? Batata ten kor kastanhu.”

Samuel pergunta se mai: “Kumida dja sta prontu?”

image

Se mai fla-l: “Inda nau, más dés minutu. Má si bu tene fómi, bu pode kume un masan.”

image

Samuel mostra se mai un kaxa di bulaxa i el pergunta: “N pode kume kel-li?”

Se mai fla-l: “Nau, bulaxa nau. Guarda kel-la pa dipôs.”

image

Samuel pergunta otu bês: “Kuzê ki sta déntu panéla?”

Se mai fla-l: “É un surpréza, spéra bu ta odja!“

image

Samuel mostra se mai un balansia i el pergunta: “Nu pode poi kel-li déntu panéla?”

Se mai fla-l: "Nau, balansia, nau."

image

Se mai fla-l: “Má N pode poi kovi déntu panéla. Bu pode traze-m kovi? Kovi ten kor verdi.”

image

Se mai fla-l: “Favor, traze-m pon. Nu ka ta bai pô-l déntu panéla má riba méza.”

image

Se mai fla-l: “Kumida dja sta prontu, nu pode poi panéla riba méza.“

Samuel fla: “N tene gana di odja kuzê ki sta déntu di panéla.”

image

Samuel djobe déntu panéla i el fla: “É sopa! N gosta di sopa!”

Credits

Original story What's in the Pot? by Crystal Warren 

Translated by Learn Kabuverdianu

Illustrated by Hayley Alonzo

Published By StoryWeaver Community

This story: Kuzê ki sta déntu Panéla? is translated by Learn Kabuverdianu . The © for this translation lies with Learn Kabuverdianu, 2019. Some rights reserved. Released under CC BY 4.0 license. Based on Original story: 'What's in the Pot?', by Crystal Warren . © Book Dash , 2016. Some rights reserved. Released under CC BY 4.0 license.