Kenha ki Tene Medu di Ómi di Dosí?
Kenha ki Tene Medu di Ómi di Dosí?

Kenha ki Tene Medu di Ómi di Dosí?

Ânjilu ku Ânjila tene médu di Rui, kel ómi di dósi. El ta da algen sustu. Má el ta kume katxorinhus tanbê?
image

Ânjilu ku Ânjila sta ta spéra otokaru di skóla. Ânjilu vira pa se irman i fla ku vós baxu: “Ka bu vira pa tras. El sta ta djobe pa nos!"

image

Rui, kel ómi di dósi, sta ta djobe pa kriansas ki sta frenti di se loja. El é grandi i el ta da algen sustu! Ânjilu fla: “Se róstu é sima di un pitibul!” Ânjila fla: “Se narís é sima pastel.”

image

Rui, kel ómi di dósi, pode ti da algen sustu, má na se loja ten kes dósi más sábi i kes brinkedu más bunitu di tudu kes otu loja. Nómi di se loja é Lója Maravilha!

image

Se lója ten txeu dósi i xukulati di txeu kór. Ânjilu ku Ânjila ta odja otus kriansa ta entra na kel lója má es tene médu di bai kunpra dósi ô brinkedu la.

image

Un dia, es odja un novu xukulati pa janéla di lója. Es disidi poi koraji, i es entra na kel lója. Ânjiila fla ku vós baxu: “Pu… pur favor, nu pode kunpra kel xukulati la?”

image

Rui, kel ómi di dósi, inklina pa riba balkon i stende mô pa es ku se brasu grandi i uma gordu.

El fla-s ku vós baxu: “Bus denti ta podrisi i kai!”

image

Déntu di gavéta di dinheru, el tra un par di denti falsu ki ta da médu. El abri-l i fixa-l na ses frenti. Ânjilu ku Ânjila djobe pa kunpanheru i es sai di la ta kóre! Kantu es txiga kaza, Ânjila fla ta treme: "El staba kuazi ta mordeba nos ku kel denti." Es fla pa kunpanheru: "Nu ka ta bai la nunka más."

image

Má oji, Ânjilu ku Ânjila odja un kuza ki da-s más médu. Rui, kel ómi di dósi, staba ku un katxor pikinoti na mô pértu di se róstu i ta faze sons stranhu! Nton, el leba kel katxor pa déntu di se lója i el dizaparse. Ânjila grita: "Ai! El ta ba kuzinha kel katxor pikinoti i el ta kume-l."

image

Ânjilu ku Ânjila tinha sertéza má ses própi katxor, Bubi, i se seis fidju sta na prigu. Ânjila fla: "Nu ka ta dexa ki Rui, kel ómi di dósi, kuzinha nhos."

image

Má na kel otu dia, kantu ses mai bai pa merkadu, el dexa porton abértu. Ânjilu ku Ânjila odja ku oror kantu tudu kes seis katxor pikinoti kóre dirétu pa déntu di lója di Rui, kel ómi di dósi. Ânjilu fla: “El ta ba kume-s tanbê. Nu ten ki bai resgata-s!”

image

Ânjilu ku Ânjila da kunpanheru mô i es entra divagar déntu di lója. Ningen ka sta la!

Na párti di trás sta un porta meiu abértu, ta treme es abri-l.

image

Rui odja pa Ânjilu ku Ânjila ku róstu kontenti i el fla-s: “Odja, es ka tene médu!”

Credits

Translated by Learn Kabuverdianu

Original story Who is afraid of the Rakshas Sweetie-Man? by Ranjit Lal 

Illustrated by Lavanya Naidu 

Published By StoryWeaver Community

This story: Kenha ki Tene Médu di kel Ómi di Dósi? is translated by Learn Kabuverdianu . The © for this translation lies with Learn Kabuverdianu, 2020. Some rights reserved. Released under CC BY 4.0 license. Based on Original story: 'Who is Afraid of the Rakshas Sweetie-Man?', by Ranjit Lal . © Pratham Books , 2017. Some rights reserved. Released under CC BY 4.0 license.