Nha Kazaku Burmedju

Pedru tene un novu kazaku di txuba. El tene txeu gana di bisti se novu kazaku, má el ten ki spéra pa txuba ben.

Dia dumingu, mai di Pedru bai sukupira i el kunpra Pedru un kazaku burmedju. Pedru fika kontenti ku se kazaku burmedju. El pergunta se mai: "N pode bisti nha kazaku burmedju gósi?" Se mai fla-l: "Kel-li é un kazaku di txuba. Nton, óras ki sta txuba bu pode bisti bu kazaku burmedju."

Pedru fika ku gana di bisti se kazaku burmedju. Má sugunda-fera staba sól fórti. Pedru pergunta se mai: "N pode bisti nha kazaku burmedju oji?" Se mai fla-l: "Oji nau, pamodi ka sta txuba."

Térsa-fera, Pedru labanta sédu palmanhan, má séu staba azul. Pedru xinti tristi i el pergunta se mai: "Ki dia ki txuba ta ben?" Se mai fla-l: "N ka sabe nha fidju matxu."

Kuarta-fera, Pedru labanta ku gana di bisti se kazaku burmedju, má staba sól fórti i kalor. Pedru pergunta se mai: "Pamodi ki txuba ka sta ta ben?" Se mai fla-l: "Ka bu preokupa, txuba sta kuazi ta ben."

Kinta-fera, Pedru ku se mai staba ta bai parki. Pedru fla se mai: "Talvês N debe leba nha kazaku burmedju ku mi." Se mai fla-l: "Nau bu ka meste bu kazaku burmedju oji. Txuba ka sta ta ben oji pamodi sta sô núvens branku na séu."

Sésta-fera staba nubladu. Pedru djobe pa séu i el odja núvens prétu. Pedru pergunta se mai: "Txuba sta ben oji?" Se mai fla-l: "Talvês, oji sta txeu núven prétu na séu."

Sábadu kumesa ku un son fórti 'Badaboom'. Pedru pergunta se mai: "Bu obi strubada? Txuba sta ta ben?"

Txuba kumesa ta kai! Pedru kóre pa fóra déntu txuba. Pedru fika txeu kontenti ki el kumesa ta kanta: "Txuba, txuba, sta ta txobe."

Se mai kóre se tras i fla-l: "Pedru bu skese di bu kazaku burmedju!"