Gatu i Katxor: Katxor Tene Friu!
Gatu i Katxor: Katxor Tene Friu!

Gatu i Katxor: Katxor Tene Friu!

Katxor tene friu. Kuzê ki gatu ta faze pa djuda-l?
image

Kel-li é Gatu.

Kel-li é Katxor.

image

Sta di noti. Sta sukuru.

Sta friu. Sta txeu friu.

image

Pa katxor sta mutu friu.

image

Gatu da katxor dôs kamiza sen manga.

Un sta xuxu. Un sta linpu.

image

Katxor bisti kel ki sta linpu. Má inda el tene friu.

image

Gatu da Katxor dôs kamiza.

Un kamiza é grandi. Un kamiza é pikinoti.

image

Katxor bisti kel kamiza grandi. Má inda el tene friu.

image

Gatu da Katxor dôs kalsa.

Un kalsa é kunpridu. Un kalsa é kurtu.

image

Katxor bisti kel kalsa kunpridu. Má inda el tene friu.

image

Gatu da Katxor dôs koleti. Un koleti sta modjadu. Un koleti sta séku.

Katxor bisti kel koleti ki sta séku, má inda el tene friu.

image

Gatu da Katxor dôs kazaku. Un kazaku é pizadu. Un kazaku é lébi.

Katxor bisti kel kazaku pizadu, má inda el tene friu.

image

Gatu da Katxor dôs txapeu. Un txapeu é altu. Un txapeu é baxu.

Katxor poi kel txapeu altu, má inda el tene friu.

image

Gatu da Katxor dôs par di sapatu.

Un par di sapatu é novu. Un par di sapatu é bédju.

image

Katxor kalsa kel sapatu novu, i dipôs ...

Ka sta mutu friu pa Katxor. Katxor ka tene friu.

image

Ka sta noti más. Dja manxe.

Lua dja kanba. Sól dja sai.

image

Sta di dia. Sta klaru. Sta kenti. Sta txeu kenti.

Pa Katxor sta mutu kenti.

image

Txau txau Gatu.

Txau txau Katxor kenti.

Credits

Gatu i Katxor: Katxor tene friu

Author - Elke and René Leisink Translation - Learn Kabuverdianu Illustration - Elke and René Leisink Language - Kabuverdianu Level - First sentences

© African Storybook Initiative 2017 Creative Commons: Attribution 4.0 Source www.africanstorybook.org