Planus di un Furmiginha
Planus di un Furmiginha

Planus di un Furmiginha

image

Furminginha gostaba di lé. Kes otu furminga ta fazeba el trósa tudu dia. Es ta flaba el, "Furmingas ka ta lé. Furmingas ta djunta kumida."

image

Furminginha ta pasaba dia interu ta lé.

image

Kes otu furminga ta pasaba dia interu ta djunta kumida pa invérnu (ténpu di friu).

image

Pai ku mai di furminginha fika xatiadu ku el. Furminginha xinti txeu tristi.

image

Na otonu óras ki fódjas kai di arvi, furmingas ten ki djunta ses kumida baxu txon.

image

Kel Rainha furminga ki ta manda, krê djunta txeu kumida. Tudu furmingas meste trabadja txeu.

image

Furminginha kumesa ta grita sobri kuzê ki el lé na livru.

"Nu meste bai un restoranti, un lugar undi bu pode bai pa kume. Nha livru ta pâpia di un restoranti."

image

Furmingas sai tudu djuntu. Es pasa dia interu ta djobe un restoranti.

image

Furminginha fla, "Odja, un restoranti!"

image

Kada un kumesa ta karega un padás di kumida. Alguns karega pon i otus karega karni.

image

Kantu es volta pa kaza Rainha furminga fika kontenti. Es tinha txeu kumida pa invérnu. Es fika txeu kontenti ki es grita di alegria.

image

Mai ku Pai di furminginha Fika txeu kontenti ku el. Es da furminginha un abrasu fórti.

image

Se irman pega-l na mô i fla-l, "Gósi dja N ntende. Bu amor pa leitura ta pô-m krê lé livrus sima bo."

Credits

Planus di un furminginha

Author - Candice Dingwall Translation - Learn Kabuverdianu Illustration - Steven McKimmie Language - Kabuverdianu Level - First paragraphs

© Candice Dingwell, Steven Mckimmie, Telri Stoop, Book Dash 2015 Creative Commons: Attribution 4.0 Source www.africanstorybook.org Original source www.bookdash.org